الدليل الشامل للعمل فى اوبر و كريم 2020

مواضيع مفضلة

Monday, 30 March 2020

الدليل الشامل للعمل فى اوبر و كريم 2020



العمل فى اوبر و كريم 



الربح من اوبر و كريم العمل فى اوبر و كريم  كم تربح من اوير و كريم  ارباح اوبر و كريم كيفية العمل فى اوبر و كريم الشغل فى اوبر و كريم  عيوب اوبر و كريم مميزات العمل فى اوبر و كريم


بما ان ده اول موضوع فى موقع الفلوس فهيبقى عن العمل الخاص فى اوبر او كريم و من المعروف انهم اصبحوا مؤخرا شركة واحدة فى مصر بعد ان استحوذت اوبر على كريم فى 2020

مميزات العمل فى اوبر و كريم:


1- اشتغل فى اى وقت براحتك
2- دخلك ممكن يوصل  الى 10000 جنيه (طبعا يعتمد على عدد ساعات عملك فى اليوم و عدد المشاوير )
3- انت مدير نفسك
4- الدخل مقسوم الى :
·         قيمة الرحلات الى عملتها
·         البونص (فلوس زيادة لو حققت عدد رحلات معين كل اسبوع)  بص على الصورة الى جاية
·         من شروط البونص ان تقييمك يبقى (5/4.4) و تقبل 85 % من الرحلات






5- مش محتاج تبقى حافظ الطرق ال GPS بيحددلك كل حاجة و كل شوية بينزله تحديثات
6- الدعم الفنى فى التطبيق كويس و سريع
7- بتاخد خصومات على البنزين و الفاتورة بتاعت التليفون و النت (مش متاكد).
8- الشركة بتديلك تدريب مجانى لما تقدم (التدريب بتاعهم فى الفيديو الى تحت



الاوراق المطلوبة للتقديم:


1.      فحص فنى على العربية  فى شركة ناسيتا  
2.      فيش و تشبية موجه لشركة اوبر
3.      اصل و صورة البطاقة (الاصل عشان يتاكدوا من البيانات)
4.      اصل و صورة الرخصة (الاصل عشان يتاكدوا من البيانات)
5.      تحليل للمخدرات موجه لشركة أوبر ( غالبا ممكن تاخد خصم 50 % لو عملته فى معمل المختبر)
6.      صورة حديثة بخلفية بيضاء
بعد كده تاخد الورق و تروح على اى مكتب لاوبر او كريم (دور عليهم على النت) بس خلى بالك المكاتب كتير جدا و فى منهم نصابين

العربيات الى بتشتغل فى اوبر و كريم:


ممكن تحمل شيت اكسيل موجود فيه العربيات المقبولة فى 2020 من هنا  (التحميل من ميديا فاير)


ارباح اوبر و كريم:


ناتى للجزء الاهم فى هذه المقالة و هو هل العمل فى اوبر يستحق العناء ام لا ؟
هجبلك من الاخر ,

لو اشتريت عربية قسط هتقعد تشتغل عليها ليل و نهار بس عشان تسدد قسطها

لو هتشتغل سواق على العربية بنظام التلت و التلتين هتلاقى نفسك بتكسب ملاليم

لو هتاجر عربية هتكسب ملاليم

افضل حاجه ان العربية تبقى بتاعتك و تعتبر ان الشغل ده شغل Part Time  

لوعايز تحسب الجدوى بتاعت المشروع من غير رغى كتر انا عملتلك شيت اكسيل تحسب بيه متوسط الرحلات الى ممكن تحتاجها
هتلاقيه هنا

 دى صورة من الشيت بتاع الالة الحاسبة جرب كده شوف محتاج كام رحلة عشان تجيب تمن قسط العربية و مصاريفك و احسبها صح

بس اوعى تنسى دى مجرد حسابات و الارزاق بيد الله سبحانه و تعالى و لو اخدت القرار و هتتوكل اعرف ان ربنا مش بيضيع تعب حد ( و ان ليس للانسان الا ما سعى و ان سعيه سوف يرى ثم يجزاه الجزاء الاوفى) صدق الله العظيم


فى الاخر لو عجبكم الموضوع حاولو تنشروه لان ده بيساعد اننا نقدم محتوى بجودة عالية

تحديث 3/2020

تم الغاء البونص فى اوبر و كريم


شوف الفيديو ده  عن تجربة كابتن مشهور فى اوبر و كريم ليه قناة على اليوتيوب:

 





Post a comment

المشاركة على واتساب متوفرة فقط في الهواتف